Më 07.10.2018 në Landau të Bavarisë-Gjermani, nën përkujdesjen e Këshillave të prindërve dhe mësueseve të mësimit plotësues në gjuhën shqipe, në këto dy lokalitete: Landau a.d. Isar dhe në Dingolfing, shkolla të cilat janë nën mbikëqyrjen e LAPSH-së-KMPGJSH në Bavari u mbajt mbledhja e përgjithshme zgjedhore.
Të pranishmit i përshëndeti kryetari i këshillit koordinues njëheri dhe zv. Kryetari i KMPGJSH-së në Bavari, Tefik Jaha, ku dhe ju uroj mirëseardhje! Kurse mbledhja filloj me raportimin e punës njëvjeçare dhe sfidat e saj gjatë vitit 2017/18, për mësimit plotësues në gjuhën shqipe si dhe për aktivitetet e ndryshme dhe manifestimet e datave historike. Në këto manifestime të pranishëm ishin edhe nxënësit e mësimit plotësues në gjuhën shqipe.
Ndërsa sipas zv.kryetarit, Tefik Jaha dhe dy mësueseve: Ismije Demolli për Dingolfing dhe Mervete ismajli për Landau, ky vit u vlerësua si vit me shumë suksese të realizuara, po ashtu dhe realizimi i planprogramit shkollore dhe aktiviteteve tjera përcjellëse kombëtarë, si: Manifestimi për ditën e flamurit- “28 nëntori”, shpallja e pavarësisë së Kosovës “17 shkurti”, dita e mësuesit, “7 Marsi” dhe “Ditët e kulturës shqiptare” në Bavari . Gjithashtu në Munih u mbajt programi manifestues i njëvjetorit të KMPGJSH-së në Bavari, seminari i organizuar nga KMPGJSH-ja dhe turniri humanitar, tri sosh, gjatë tërë vitit 2017/18.
Takimi i kësaj mbledhje kaloj sipas protokollit të organizatorëve, ku u ndan tri mirënjohje, dy në emër të shkollës shqipe për Landau a.d. Isar dhe Dingolfing dhe një e ndau KMPGJSH-ja në Bavari.
Për Landau a.d. Isar dhe Dingolfing ju nda anëtarëve të Këshillit të Prindërve. Aziz Morinës dhe Sakibe Berisha, ndërsa në emër të kryesisë së KMPGJSH-së në Bavari
mësuesja Mervete ismajli, nga Këshilli i Arsimtarëve në Bavari, i dorëzoj mirënjohjen aktivistit të devotshëm të çështjes kombëtare dhe veprimtarit të palodhshëm, për shkollën shqipe, Tefik Jaha.
Në fund u zgjedhë kryesia e re dhe u miratua plani për vitin shkollor 2018/19 për Landau a.d. Isar dhe në Dingolfing.
Kryesia:
Kryetar Tefik Jaha
Admem Smakiqi
Fadil Demolli
Këshilli i Prindërve për : Dingolfing
Kr. Aziz Morina
Admem SmakiqiFadil Demolli
Këshilli i Prindërve për : Landau a.d. Isar
Kr. Feti Kadriu
Arsim zeqiri
Bekim Haziri
Redaksia