Gjermani – hapet pika shkollore në Fürth të Republikës së Bavarisë

Shkruan: Mustafë Krasniqi

Klasa në Fürth

   Në rrugën e përpjekjeve të mëdha për shkollën shqipe nuk kanë të ndalur, njëkohësisht as inkurajimin e prindërve për t’i dërguar fëmijët  në mësimin plotësues në gjuhën shqipe, më qëllim të ruajtjes së saj dhe përmes saj komuniteti shqiptar ta ruan identitetin e të qenit shqiptar, rrënjë Pellazgo-Ilire.  Përhapjen e kësaj pike shkollore në Fürth, qytetës në rrethinën e Nürnbergut, u angazhua Këshilli i Prindërve të Nürnbergut, të cilët mori përsipër hapjen e kësaj pike shkollore dhe u zotua se në të ardhmen do të hapim edhe pika tjera, më qëllimi  të zgjerimi të rrjeti të klasave të mësimit plotësues në gjuhës shqipe.

Hapja e klasës në Fürth u hapë në mënyrë ceremoniale, më 11 nëntor 2022, në prani të nxënësve, prindërve të Fürth-it, të përfaqësuesve të LAPSH-të në Bavari, të nënkryetarit Armend Ismajli dhe arkëtari Xhymshit Tafa. Po ashtu dhe në prani të mësueses Arianita Abdiu, e cila para të pranishmëve u zotua se do të jetë e përkushtuar në realizimin e misionit të mësuesit, në mësimdhënie. Në këtë eveniment e pranishme ishte edhe mësuesja e klasës në Nyrnberg, Lume Daci Hotit, e cila pasi i përshëndeti të pranishmit i ofroi mësueses së re bashkëpunim profesional, në shkëmbimin e përvojës në mësimdhënies.

Në  këtë eveniment i pranishëm ishte edhe koordinatori për Nyrnberg-un z. Selim Hotit, gjë që dhe bëri hapjen e kësaj ceremonie, i cili dhe foli për ecurinë dhe rëndësinë e mësimit plotësues, ku ndër të tjera u bëri thirrje prindërve dhe tha: “Sa më shumë fëmijë të vijojnë mësimin në gjuhën shqipe, aq më të bindur do të jemi në ruajtjen e gjuhës amtare te fëmijët tanë. Po ashtu aq më tepër do të kemi besim se gjuha jonë nuk do të harrohet, por do të jetë një rreze dritë, aromë e atdheut, e dashur për fëmijët tanë dhe krenari për ne dhe kombin. Andaj së bashku të angazhohemi, ngaqë së bashku dhe ia arrijmë qëllimin”

Për të pranishmit, prindërit kishin përgatitur një koktej me ushqime tradicionale dhe, gjatë bisedave njëri me tjetrin buzëqeshja në fytyrat e tyre ishte e madhe sa kishte edhe lot gëzimi, ku emocioni dhe hapja e klasës shqipe me mësim plotësues u bë një hije e atdheut, e përcjellë me zërin e saj “Mos e harroni gjuhën shqipe”!

Ceremonia përfundoi me thirrjen: “Prindër mos hezitoni sjellni fëmijët në shkollën shqipe, sepse vetëm kështu e duam atdheun, gjuhën e bukur të Naimit, gjuhën shqipe”.

Nxënësit me mësuesen, koordinatorin, arkatarin dhe nënkryetarin e LAPSh-it
Shqiponja simbol se si pranë saj të jemi krenar!