Takimi i  kryesisë së LAPSh-it në Bavari me Këshillin e Prindërve të Nyrmbergut

Të premten, më 24 shtator 2021, Këshilli i Prindërve të Shkollës Shqipe në Nyrnberg pati një takim pune, ku ishte e pranishëm edhe Kryesia e LAPSh-it në Bavari; kryetari, nënkryetari dhe arkatari. Ndërsa si temë diskutimi ishte analiza e vitit shkollor që lamë pas dhe përgatitja për vitin e ri shkollor 2021/22.

Këshilli i Prindërve në Nyrnberg pasi përshëndeti përfaqësuesit e kryesisë së LAPSh-it, i njoftoi për punën dhe angazhimin e tyre në ngritjen e ndërgjegjësimit te bashkëkombësve, për dërgimin e fëmijëve në shkollën shqipe. Më tej theksuan se numri i rritjes së nxënësve sikur ka zgjuar një interesim të dukshëm, por dhe jo në ato masa çfarë ne dëshirojmë dhe kemi pritur. Kurse kryetari i LAPSh-it, Milazim Ukaj, njoftoj Këshillin e Prindërve për ecurin e shkollës shqipe në nivel të Bavarisë, si dhe raportoi për punën, suksesin dhe vështirësitë që i kishte LAPSh-i gjatë periudhës së vitit të kaluar 2020, që ishte një vite me sfida të mëdha, me përballje me kovidin 19.

Nënkryetari i LAPSh-it, Selim Hoti, që dhe është anëtari i Këshillit të Prindërve për Nyrnberg u ndal te angazhimi dhe puna e pandërprerë të kryesisë së këtij Këshillit, të cilët janë të interesuar që procesi i mësimit plotësues në gjuhën shqipe dhe rritja numrit të nxënësve të ketë sukses, në këtë qytet me rrethinë. Po ashtu të pranishmit i njoftoi edhe për përgatitjen e fillimit shkollor të vitit 2021/22, siç janë: klasat, librat, ditari, rregullorja dhe plani vjetor, si dhe i falënderoj kryesin e Këshillit të Prindërve: kryetarin Armend Ismaili Xhemshit Tafa; Dr. Ilaz Alia dhe imamit Sevgani Asani.

Në takim ishte edhe Rexhep Nikçi, arkatari i LAPSh-it, i cili foli në emër të Fondacionit „Besa“, fond që është edhe sponsor i LAPSh-it. Kurse Këshilli i Prindërve i Nyrnbergut u zotuan se do të jemi si gjithmonë në interesa të shkollës shqipe dhe do të gjejmë rrugë alternative për t’i bindur prindërit, ata që i kanë fëmijët për shkollë, që fëmija i tij të jetë pjesë e mësimit plotësues në gjuhën shqipe.Në këtë takim nga shoqata „Ora e Maleve”, e cila funksionon në Republikën e Malit të zi, nga veprimtari i palodhur i kësaj shoqate, Ali Daci, ju është nda mirënjohje për punën dhe kontributin, që po japin për shkollën shqipe: Xhemshit Tafa; Armend Ismaili; Lume Daci Hoti, Selim Hotit dhe imamit Sevgani Asani, i cili po kontribuon në këtë drejtim, të mësimit plotësues në gjuhën shqipe.

Në fund të takimit, të gjithë u zotuar se nuk do të mungoj angazhimi dhe përpjekjet për mbajtjen gjallë të shkollës shqipe, të mësimit plotësues të gjuhës shqipe në Bavari!

Redaksia