Uraebashkuar
Qeveria suedeze ngre alarmin për shpërthimin e mundshëm të një konflikti me Rusinë dhe përgatit një plan ushtarak në prag të anëtarësimit në NATO.
Tensioni po rritet në Evropën Veriore dhe më gjerë, pas fjalëve të ministrit suedez të Mbrojtjes Civile Carl-Oskar Bohlin, i cili ftoi popullatën të përgatitet për më të keqen. “Shumë njerëz e kanë thënë tashmë para meje, por më lejoni ta them më fort: mund të ketë një luftë në Suedi,” tha zyrtari sot, në një konferencë vjetore në qytetin e Sälen. Alarmi, i ngritur së fundmi edhe në Gjermaninë fqinje, vjen nga klima e pasigurisë e lidhur me reduktimin e ndihmës ushtarake për Kievin dhe zgjedhjet presidenciale amerikane, të cilat mund të çojnë në kthimin në Shtëpinë e Bardhë të izolacionistit Donald Trump.
“Për një vend që ka qenë në paqe për të paktën 210 vjet, ekziston një sugjestionim sikur kjo është një gjendje e pandryshueshme. Por zhytja në këtë rehati përbën një rrezik pothuajse të paprecedentë, “tha Bohlin. Pak ka vlejtur sqarimi i ministrit, se ai nuk ka ndërmend të futë vendin në panik, por përkundrazi dëshiron të krijojë një “ndërgjegjësim” kolektiv për realitetin e ri gjeopolitik evropian, pak më pak se dy vjet pas fillimit të konfliktit në Ukrainë. Efektet e shkaktuara nga “mjellma e zezë” në këtë rajon të Kontinentit të Vjetër kanë qenë të thella. Suedia dhe Finlanda paraqitën menjëherë një kërkesë zyrtare për t’u anëtarësuar në NATO. Një rrugë e kryer nga Helsinki, e cila duket më e vështirë për Stokholmin, veçanërisht për shkak të rezervave të shprehura nga presidenti turk Rexhep Tajip Erdogan.
Edhe ministri suedez i Mbrojtjes Pål Jonson përsëriti mesazhin e kolegut të tij qeveritar, duke folur për një botë “më të rrezikshme se një vit më parë”, për shkak të konflikteve në Ukrainë dhe Lindjen e Mesme. “Ne nuk mund të përjashtojmë një sulm të armatosur kundër Suedisë. Lufta mund të vijë tek ne”. Ky është paralajmërimi i errët i Jonson, i cili paralajmëron kundër dëshirës së presidentit rus Vladimir Putin për të rikrijuar zonat e ndikimit dhe për të rivendosur një politikë të bazuar në përdorimin e armëve për të çuar përpara interesat e Kremlinit.
Përfaqësuesi i Mbrojtjes së Stokholmit parashikoi gjithashtu prezantimin e një plani që synon arritjen e katër objektivave për të maksimizuar rolin e Suedisë në funksion të hyrjes së saj të ardhshme në Aleancën Atlantike: forcimi i ushtrisë përmes rekrutimeve dhe profesionistëve, sigurimi i një sistemi afatgjatë furnizimi me municione brenda zonës skandinave për të reduktuar kohën e pritjes për dërgesat, për një strategji inovative mbrojtëse për të arritur epërsinë teknologjike në fushën e betejës dhe për të zgjeruar shpejt sistemin e sigurisë, duke krijuar një “mbrojtje të bazuar në rritje”.
Deklaratat e ministrave u shoqëruanga angazhimi i komunikuar prej kryeministrit suedez Ulf Kristersson i cili njoftoi vendosjen e ardhshme të një batalioni të forcave të armatosura në Letoni, për të “kontribuar në mbrojtjen dhe parandalimin e në kuadër të NATO-s”.
a.c./dita ( mora nga gazetalëvizja)