Arti i lashtë japonez i Jin Shin Jyutsu beson se çdo fillim problemi në trupin e njeriut i ka rrënjët tek tensioni. Dhe sipas kësaj teorie, mënyra më e mirë për të ekuilibruar tensionin është duke çliruar energjinë e bllokuar përmes një masazhi në dorë. Ata besonin se çdo gisht është i lidhur me një organ dhe emocion të caktuar, prandaj gjithçka duhet të bëjmë është të masazhojmë lehtësisht gishtat për t’u çliruar nga një dhimbje apo problem i caktuar.
- Çfarë nënkuptojnë 5 gishtat?
I madhi: Thuhet se është i lidhur me stomakun dhe mund të ndihmojë me sistemin tretës dhe dhimbjet e kokës.
Treguesi: Sipas metodës japoneze, përfaqëson veshkat. Masazhimi i tij ndihmon me dhimbjen e shpinës por gjithashtu me atë të dhëmballëve, frikërat, apo pjesën e shpatullave lart.
Gishti i mesit: Lidhet me mëlçinë dhe na ndihmon me lodhjen, kollën e thatë dhe problemet me sytë. Gjithashtu mund të ndikojë në stabilizimin e inatit tonë, apo problemeve me paqëndrueshmërinë.
Gishti i unazës: Është i lidhur me mëlçinë dhe zorrën e trashë. Na ndihmon me frymëmarrjet e thella, mërzitjen dhe energjinë negative.
Gishti i vogël: Lidhet me zemrën dhe masazhimi i tij mund t’ju qetësojë nervat në momente stresi. Gjithashtu ju ndihmon me pasiguri dhe konfuzion. - Majat e çdo gishti
Duke ushtruar presion të lehtë mbi ta, mund të minimizoni simptomat e gripit të zakonshëm, si temperatura apo dhimbja e fytit. Maja e gishtit të madh lidhet me diafragmën, gishti tregues dhe ai i mesit me kokën, gishti i unazës me dorën dhe gishti i vogël me solar plexus, nervat që luajnë rol të rëndësishëm në stomak, veshka dhe mëlçi. Çfarë mund të bëni është të pickoni majën e çdo gishti për 20 sekonda. - Lidhjet mes 4 gishtave
Këto pjesë të gishtave që shihni në foto janë të lidhura me sytë dhe veshët tanë. Sytë e lodhur, apo dhimbja e veshëve mund të çlirohet nëse masazhoni këtë zonë gishtash. - “Meridiani” i mushkërive
Kjo zonë përfshin gjithë hapësirën që nga maja e gishtit tregues e deri tek kyçi. Duke i ushtruar presion të lehtë, mund të trajtoni të ftohtin, dhimbjen e fytit, teshtimat dhe ethet. - Pika që lidhet me zemrën
Ky damari që shihni këtu është perfekt për t’ju çliruar nga ankthi. Madje, një studim i kryer në 2017-ën e ka konfirmuar çfarë thotë metoda japoneze. Sipas tyre, para se të futeshin në operacionin e zemrës, mjekët i masazhonin në këtë pikë dhe ata ndiheshin më pak në ankth. Nëse e masazhoni për 1 minutë tek të dyja duart, do ta ndjeni çlirimin. - Pikat në mesin e kyçit
Për ta gjetur fiks këtë pikë, duhet të tendosni 3 gishtat në mes dhe të shihni zonën që krijohet në mesin e kyçit tuaj, si nga ana e jashtme ashtu dhe ajo e brendshme. Mund ta masazhoni nëse doni të qetësoheni nga dhimbja e stomakut, apo të përzierat. - Baza e gishtit tregues
Kjo pikë ndodhet aty ku gishti juaj tregues lidhet me damarin që krijohet tek kyçi. Duke i ushtruar pak forcë kësaj zone, do të ndihmoni veten me problemet e frymëmarrjes. Besohet gjithashtu se kjo zonë ju ndihmon të jeni më në humor dhe të rregulloni emocionet (Marrë nga portali “Lajme Ditore).