Pas shuarjes me gjak të qëndresa heroike të popullit shqiptar në trojet e tyre etnike, nga okupatori serbo-sllav, prapë vazhduan përpjekjet e atdhetarëve demokratë të radhitur në Lëvizjen Nacional Demokratike Shqiptare, ku në radhën e të parve ishte prof. Gjon Serreqi.
Shkruar nga Sami ARIFI
Gjon Serreqi u lind më 11.02.1920 në qytetin e Ferizajt, ai është i biri i Gjergjit dhe i nënë Anicës, nëna e tij, e lindur Kurti në Prizreni. Gjoni në familje kishte katër vëllezër dhe tri motra. Gjon Serreqi shkollën fillore e kreu në Ferizaj, ndërsa gjimnazin në Prizren, ai kishte qenë edhe në Seminarin Ipeshkvor në Prizren. Gjoni pasi e kreu maturën në vitin 1939-1940 filloi studimet në Fakultetin Filozofik në Zagreb, ai u kthye në Kosovë në prill të vitit 1941 për të vazhduar rrugëtimin për në Itali në qytetin Piza, ku atje edhe kishte vazhduar studimet në Fakultetin Filozofik, ai për një kohë qëndroi edhe në qytetin e Firencës. Gjon Serreqi u kthye në Ferizaj dhe ishte emruar kryetar i komunës së Babushit, ku, ai kreu këtë detyrë deri në vitin 1944, por ai u arrestua nga policia SS dhe u transferua me të burgosurit nga Prishtina në Kampin e Vjenës „K-16“, aty Gjoni qëndroi deri në vitin 1945, më vonë atë e depërtuan në kufirin austro-hungarez për hapjen e hendeqeve për fortifikime.
Pasi u kthye nga internimi austriak në qershor të vitit 1945, ai aso kohe u pranua profesor në gjimnazin e Prishtinës, ku drejtor i gjimnazit ishte Idriz Ajeti që me rekomandimin e tij, për gjegjësi i arsimit e emroi Gjonin profesor në gjimnazin e Prishtinës. Gjatë punës në Gjimnaz, ai deklaroi botërisht duke parë gjendjen e mjerueshme të popullit shqiptar thotë: „Unë nga kampi i përqëndrimit austriak erdha, por Kosova dhe shqiptarët qenkan në një kamp kolektiv edhe më famkeq! Kurrë nuk do të pajtohem me ndarjen dhe robërinë e Kosovës, do të luftoi deri në vdekje për lirinë e popullit tim!“. Gjon Serreqi dha një kontribut mjaft të madh edhe në organizatën e Lëvizjes Nacional Demokratike Shqiptare (LNDSH) në formimin e komiteteve nëpër fshatra e në qytete për organizinin e formimeve të komiteteve të organizatës së LNDSH në qytete e fshatra shqiptare që ishin nën okupimin serbo-sllav.
Gjon Serreqi arratiset në mal, vepron me shokë në ilegalitet që nga data 27 prill të vitit 1946, ai u arrestua nga OZNA në shkurt të vitit 1947.
Gjykata e Qarkut në Prishtinë më 30 prill 1947 dënon: Ukë Sadikun nga Gjurgjeviku i Madh-Komuna e Klinës, me vdekje/pushkatim,
Ajet Gërgurin nga fshati Dubofc-Komuna e Vushtrrisë, me vdekje/pushkatim, Gjon Serreqin nga qyteti I Ferizajt, me vdekje/pushkatim dhe Osman Bunjakun nga fshati Samadrexhë-Komuna e Vushtrrisë, me vdekje/pushkatim.
Pas refuzimit të ankeave të burgosurve shqiptar nga okupatori serbo-sllav, Presidiumi i Kuvendit të Serbisë me vendimin 3202/13 gusht 1947, kishte vendosur në Gjyqin Suprem të Republikës Popullore të Serbisë vdekje/pushkatim, më 3 korrik 1947,KZH-989/47 në Beograd.
Gjatë ekzekutimit të të përmendurëve ishin të pranishëm Shefi i Sektorit të Punëve të Brendshme K.P.Q. Hashim Mustafa, Nëpunësi i Sektorit të Punëve të Brendshme pranë KAKM, Gllisho Sharanoviq, major, në cilësinë e të deleguarit të Ministrisë të Punëve të Brendshme të R.P të Serbisë, Zëvendësi Prokurorit Publik për Kosovë, Sadri Doçi si dhe Mjeku i rrethit, Dr. Vaso Jovanoviq. Prokuror gjatë gjykimit të këtyre atdherarëve ishte Ali Shukriu.
Pushkatimi është ekzekutuar saktësisht në ora 3:00 të mëngjesit, ku, për ekzekutimin e dënimit ishin të njoftuar në pajtim me udhëzimin e përkohshëm për ekzekutimin e dënimeve të vërtetuar, me vdekje/pushkatim, nga Shefi i Sektorit të Punëve të Brendshme: Hashim Mustafa: Glligorije Sharanoviq: Sadri Doçi dhe Dr. Vaso Jovanoviq.
Lavdi e përjetshme Gjonë Serreqit dhe të gjithë atdhetarëve të rënë për lirinë e atdheut… Pushofshin të qetë në dritën e pashterrshme në amshim, në përjetësi për lirinë atdheut. Lavdi!…
Ps.Të dhënat janë marrë nga Akivi i RK si dhe nga libri i autorit Mehmet Gërguri; Ajet Gërguri dhe Lëvizja NDSH (1945-1947)
(nga portali Prointegra)