![Fotografia e Janine Mehmeti](https://scontent.fmuc4-1.fna.fbcdn.net/v/t1.0-9/s960x960/93763488_10157111434408963_2815604916570030080_o.jpg?_nc_cat=108&_nc_sid=870f81&_nc_ohc=qVo2jpisTjEAX8JQOdM&_nc_ht=scontent.fmuc4-1.fna&_nc_tp=7&oh=d67cd24ea9d803c74e5274c61d380f52&oe=5EBA2719)
Besa për Kosovën:Diaspora në ndihmë të atdheut gjatë COVID-19
Rrjeti i parë i Bizneseve shqiptare Fondacioni “BESA” nga Bavaria, Klubi i Prodhuesve të Kosovës, Organizata GERMIN, së bashku me Fondacionin Global Shqiptar, organizojnë fushatën për mbledhjen e fondeve për t’iu ardhur në ndihmë familjeve në nevojë në Kosovë, të prekura nga COVID-19, duke iu mundësuar nga një pako me ushqime dhe produkte bazë të higjienës.
Kjo fushatë ka për qëllim edhe mbështetjen e prodhuesve vendorë, duke qenë se të gjitha produktet e pakove të ndihmave do të jenë MADE IN KOSOVA. Nga kjo fushatë do të ndihmohen familjet në nevojë nëpër komunat e Kosovës të cilat janë të karantinuara dhe në gjendje të rëndë financiare për shkak të pandemisë COVID-19.
Nëse jeni në gjendje të kontribuoni në këtë fushatë, këtë mund ta bëni duke dhuruar nga sot e tutje. Çfarëdo shumë që ju dhuroni nuk është shumë e vogël. Çdo cent vlen! Kosto e pakos për një familje është 26,00 Euro. Distribuimi i pakove do të bëhet deri te pragu i secilës familje.
![](https://scontent.fmuc4-1.fna.fbcdn.net/v/t1.0-9/p960x960/93269805_1101913860185706_963199154031427584_o.png?_nc_cat=107&_nc_sid=5abf4d&_nc_ohc=y9xB2N51yMYAX_voOTd&_nc_ht=scontent.fmuc4-1.fna&oh=bb7a90917d5da01f75a508e529cc1855&oe=5EBB6231)
Besa Foundation e.V., Klubi i Prodhuesve të Kosovës, Germin, Global Albanians Foundation (Marr nga Ilir Hajzer Seferi).