Shkruan: Mustafë Krasniqi
GJENERALI IM
(Jashar Salihu)
Të bësh një portret
Për gjeneralin tim
Duhet një jetë kohe,
ta vështrosh fytyrën e tij
rrudhat tregojnë një histori.
Mezi ecja
Hapat i qitja pas tij
Ai më s’dukej
Nuk munda ta zë
Zërin e tij.
Aty ku fliste
Aty vepronte
Aty jetonte.
Gjeneral, o burrë i dheut
Kur ata të sulmonin
Ti na mbroje
Na jipje kurajo,
Kur ne të kërkonim në histori
Kur duhej të na uroje lirinë
Ti na ike, more përjetësinë!