Për gazetën: Mustafë Krasniqi
Kryesia e LAPSH-i në Bavari fton nxënësit, mësuesit e bashkëkombësit, si dhe të gjithë ata fëmijë të cilët nuk e vijojnë mësimin plotësues në gjuhën shqipe, që së bashku me prindërit të marrin pjesë në manifestimin e “FESTËS VERORE” për përfundimin e vitit shkollor 2022-2023, që do të mbahet më 16.07 2023 në ora 11:00, në Dachau.
Të ftuar janë edhe shoqatat, bizneset që veprojnë në landin e Bavarisë; me qëllim që të bashkuar t’i japim theks të veçantë ruajtjes së gjuhës shqipe, te fëmijët tanë mërgimtarë. Duke mësuar gjuhën amtare ruajmë kulturën, traditën, mbi të gjitha ruajmë identitetin kombëtar-shqiptar.
Ata që e ndjejnë gjuhën e mëmëdheut le të vijnë e ta dëgjojnë se si nxënësit e shkollës shqipe e artikulojnë bukur gjuhën e mëmëdheut, vallen dhe këngën shqipe!
Ejani fëmijë në “FESTËN VERORE“, së bashku të këndojmë e vallëzojmë shqip vetëm shqip, në gjuhën tuaj të mëmëdheut!
Manifestimin do ta përcjell Radio Televizioni i Kosovës (RTK-ja) me reporteren, moderatoren Alketa Gashin Fazliu, njëherit edhe autore e librit “Ato Gdhendin Dhimbjen”.
Librin e autores Alketa Gashi Fazliu do të keni rastin ta keni në duart tuaja, në këtë takim manifestues.
