DY ULLINJ
një kas kali
i zi
dalë detit të zi
të egra hingëllimat
shtëllunga pluhuri tymi mjegulle
shkumë e verdhë gojës
shkretëtirë pas
nëntë plagë trupit
e shpirtit motërzeza plagë e dhjetë
tokë prushi
ëndrra
mish çelik gjak
një shpatë
një kokë e shkurtuar
nëntë diej e nëntë hëna
galop
në shpinën e gjokut
i bardhi kumt
det’ i zi u kuq
*
mijëvjeçarëve moirë
thonë
dy ullinj
kullojnë e çelin
luledashuri
SOT
jam unë dhe hiri që jemi një
dhe bomba hidrogjenike e diellit kurdisur në paanësinë
dhe luzmimi i pranvertë i bletëve
dhe gjaku i kaltër lumëngrirë i pinguinëve perandorakë
dhe varri me lule të egra çelur në gjoksin tim
dhe brenda tij ti
dhe pakuptimësia
BOTA E BUKUR
e bukur është lulja thonë
dhe s’di pse bëjnë llafe koti kur kjo veçse dihet
pastaj
e verdha në të murrme e hënës së moçme
gënjejnë bukur poetët e majmë a asht e lëkurë
kënga e zezë që del nga qafa e bardhë e e saksafontë e mjellmës
hithërat
e=m•c²
dehja e motit
kërcimi i karçinëve
dy vija më të gjata të shtrembra
dhe një vijë më e shkurtër e shtrembër në mes tyre
në një fletë të zhubravitur e të bërë pis
nga duart e vockla të një fëmije
kur vizaton prindërit dhe veten
ja ku po ua them në besë
më të bukura se mona lisa
janë
bukuria vetë është satana
parajsa e besimtarit qorr
koka katërkëndëshe e hipopotamit
kozmosi
asgjëja është e bukur
kurvat e trishta të atij plakarecit me mustaqe si furçë bojaxhiu
trishtili
të cilin vetëm emri e ruan nga mësyshi
nga xhelozia e othelltë
këlyshi i dheut
skizofrenia
shtriga me fshesë e përrallave
jela e pelës pilivesa parisi
shkretëtira vdekja
muja e halili
dreqi e i biri de
deh
e tërë bota është e bukur
kur të shoh duke ardhur drejt meje
moirë
Asnjërës sime
ka shumë moira sot
siç për shembull
eva e pamëkatshmja e mollës së mëkatit
doruntina e nëntë varreve të konstantinëve
zhan d’ark eskimezja anonime ana frank
lukja virgjër që shiste mishtë e saj strukur në lëkurën e huaj
monaliza që ua ka vjedhur me sytë vëngër buzëqeshjen vejushave
elektra e pakompleks
lolita e mikut tim të çmendur pas bukurisë së fajshme
që fëmijërinë ia maste me inch me foot me spermë
nënëshenjta bojëgjakja gonxhja
spikerja e parashikimit të motit në televionin kombëtar kamboxhian
ajkuna ana rihanna artemida aida
helena e trojës së rrënuar nga shprishja e gërshetit të saj
aktorja e teatrit të rrugëve
desdemona dora d’istria diana
gruaja ime princesha kontesha dukesha mbretëresha e esha pafund
pijanece heroina perëndesha e shejtane
dhe për shembull edhe gra të tjera
kukulla e kukudhe e kukuvajka
floçka e feçka e ferra
ka shumë moira sot
dhe je ti moirë
që je të gjitha bashkë
që nuk je asnjëra nga këto