KISHA VDEKUR… NUK E DIJA!?

Nga M.Krasniqi

Agim Doçi iku përtej kësaj bote në moshën 76-vjeçare, më 22 qershor 2024, lindur më 9 maj 1948 në Shkodër, po aty mbaroi shkollimin dhe gjimnazin dhe studimet e larta i mbaroi në Universitetin Shtetëror të Tiranës në Fakultetin e Inxhinierisë Elektrike.

Agim Doçi, poet i madh kombëtar, autor i shumë teksteve të këngëve për Lirinë dhe Pavarësinë e Kosovës, disa nga të cilat janë edhe këngë hymne. Doçi ishte mjeshtër i madh i vargut të bukur poetik, ishte edhe njohës i thellë i shpirtit të Popullit Shqiptar, andaj atdhedashuria në krijimtarinë e tij shquhet dhe është mrekullueshme!

Poeti i mijëra teksteve të këngës shqipe, kushtuar për atdheun, lirinë, dashurinë; artisti i fjalës së gdhendur, krijuesi që le pas këto vepra: “Hajde dru me pre”, “Rrëzuar mbi vetminë”, “Rituali i kryqëzimit”. Fituesi i mbi 50 çmimeve dhe dy herë përfaqësues me tekstet e tij në “Eurovizion”. Poeti i këngëve të bukura, bashkëpunues me shumë kompozitorë dhe me këngëtarë të njohur,, i dhjetëra këngëve patriotike dhe 100 këngëve tjera të suksesshme, ndër to kushtuar luftës së Kosovës, poet që me ndjenja shpirtërore shkroi vargjeve himnizuese për Kosovën dhe UÇK-në, ndër këngët tjera ishin: “A vritet pafajësia”, “Ti Shqipëri më jep nder” , “Marrshi i UCK-së” dhe “Mos ja prishni lumturinë”, “Në një flamur të pandarë” e shumë këngë tjera të shoqëruara me tingujt muzikorë, të cilat u skalite në shpirt miljona shqiptarëve vargjet e këngës tuaj dhe ato u bënë të preferuarat për publikun, e do të mbesin në memorien e tyre brez pas brezi.