![Fotografia e Komuna e Obiliqit- Faqja Zyrtare](https://scontent.fprx1-1.fna.fbcdn.net/v/t1.0-9/68286311_711895802583016_114227008879198208_n.jpg?_nc_cat=105&_nc_oc=AQlbAqxD4ZHoRkR-n9N20zWhYH7VNJHCUirJaK9JK6tgwmzWUxPwUnh7WPRUnH0nP_0&_nc_ht=scontent.fprx1-1.fna&oh=7ddfc42a5bce7e12f7b5043163ff0311&oe=5DAADD22)
sot, më 03.08.2019 në Komunën e Kastriotit- ish Obiliqit, nën përkujdesjen e Drejtorisë për Kulturë, Rini dhe Sport dhe, në pranin të kryetarit të Komunës z. Xhafer Gashit e të shumë bashkëkombëseve dhe OJQ-ve, që veprojnë në këtë Komunë u mbajt Manifestimin Tradicional “Ditët e Diasporës”, me një program të pasur kulturor-artistik: Këngë, valle dhe recitime të ndryshme, ku dhe zgjoj emocione tek të pranishmit.
![Fotografia e Komuna e Obiliqit- Faqja Zyrtare](https://scontent.fprx1-1.fna.fbcdn.net/v/t1.0-9/67486210_711895735916356_3605890744553832448_n.jpg?_nc_cat=107&_nc_oc=AQnwnWKMw1GBAwfu55mgqO9XHKJcvpul76qbFtssLu76Ay11eng5x-CRa6TNL1vtLnk&_nc_ht=scontent.fprx1-1.fna&oh=e7078c4e3f298e9a6597f242844ffc5d&oe=5DEB61F4)
Manifestimi “Ditët e Diasporës” u mbajt në Shtëpinë e Kulturës “Xhavit Haziri” në shenj nderimi për t’i nderuar bashkatdhetarët tanë mërgimtarë, të cilët ndienin një emocion të prekshëm shpirtëror, ngaqë po e ndienin vetën të privilegjuar me këtë ditë përkushtuese, që dhe është bërë tradicionale. Krahas respektit, mërgimtarëve të devotshëm, ju ndahen edhe mirënjohje për punën e tyre, qofshin humane e atdhetare, apo në krijimtarinë e tyre artistike.
![Fotografia e Mustafë Krasniqi](https://scontent.fprx1-1.fna.fbcdn.net/v/t1.0-9/67480605_2486678411395680_7030214667247026176_n.jpg?_nc_cat=101&_nc_oc=AQkU9kARS4bISRp9hr5Pn0SoMGqknAh9OWRtBKi38mZcaBK8FAhZ0Ba1JTSVowaLQhc&_nc_ht=scontent.fprx1-1.fna&oh=640a815b4cac1f7c4ee83c240a13b5f5&oe=5DE2C687)
Manifestimin e përshëndeti kryetari i Komunës së Kastriotit, ish-Obiliq z. Xhafer Gashi, ku ndër të tjera tha: ” Komuna jonë ditë e më tepër po bëhet më e zhvilluar, ngaqë mërgata jonë ishte dhe mbeti një fuqi shtytëse dhe inkurajuese, për ne, që ta ndërtojmë Komunën ashtu si e meriton, ku dhe janë dhënë sinjalet të dukshme, se Komuna jonë po vije ditë e më tepër duke i realizuar suksesshëm prioritetet e saj, në favor të qytetarëve”.
Më tej shtoj z. Gashi: “Pra, duke kuptuar mallin e mërgimtarëve, pasi që dhe vetë kam qenë pjesë e saj dikur, “Ditët e diasporës” janë ditët që dua t’i veçojmë për ju, ngase duam që edhe ju ta ndieni se jeni pjesë e pandashme e atdheut, për të cilën keni qenë dhe vazhdoni të jeni shtyllë e fortë mbështetëse. Megjithatë ju jeni në shtetin tuaj, ngaqë shteti jonë, në veçanti institucionet e shtetit tonë janë institucionet tuaja, është shteti juaj”.
Për fund z. Gashi tha: “Të nderuar bashkëkombës ju falënderojmë që, sot, na nderuat me pjesëmarrjen tuaj në këtë aktivitet të organizuar, për t’iu nderuar juve! Po ashtu e kemi parasysh se koha juaj është e kufizuar dhe e vlefshme për ta shfrytëzuar në Kosovë, andaj ju uroj pushim të këndshëm dhe ndjehuni mirë në Komunën tuaj”!
![Fotografia e Komuna e Obiliqit- Faqja Zyrtare](https://scontent.fprx1-1.fna.fbcdn.net/v/t1.0-9/68456623_711898402582756_2650598522235125760_n.jpg?_nc_cat=100&_nc_oc=AQlF5wv-Ctdw2ro0ASHFpU0_Yv8OT4lWUM4GaDKVRPbT9GWY05MVO9tBU9WJKNv-Q-M&_nc_ht=scontent.fprx1-1.fna&oh=59989f01ad13e7b523b1d65081da80b0&oe=5DE34385)
Pas fjalës së kryetarit Gashi, skenën e pushtoj vallja profesioniste e Ansamblit të Kastriotit ish-Obiliq, më pas Fadil Curri lexoi para të pranishmëve një poezi dhe i dorëzoi Mirënjohjen, që ishte nda nga Drejtoria e Kulturës, Rinisë dhe Sportit, drejtoresha, Fitore Hashani, për poetin, publicistin, autorin e shumë librave dhe kritikun letrar, Mustafë Krasniqi.
Manifestimi u përmbyll me porosinë artistike të valleve e këngëve, ku në rreshtat dhe lojën e tyre përcillej porosia e dëshmorit, heroit, vullneti i popullit, të jemi sa më të bashkuar, e të bashkuar ta ndërtojmë atdheun! Në fund të programit Shoqata e Shkrimtarëve dhe ajo e dramës vazhduan një koktej për sukseset e tyre, ku të pranishëm ishin aktorët e mirënjohur të Teatrit të qytetit të Kastriotit: Rexhep Dedinca, Fatmir Bislimi, Emin Sallahu, Miftar Mehana dhe anëtarët e kryesisë së Shoqatës së Shkrimtarëve “Fahri Fazliu”: Adem Zaplluzha, Bedri Neziri, Isuf e Shahbaze Grajçevci dhe poeti, në mërgim-Gjermani, Mustafë Krasniqi .
Redaksia
![Fotografia e Mustafë Krasniqi](https://scontent.fprx1-1.fna.fbcdn.net/v/t1.0-9/67590770_2486678458062342_8226151751087030272_n.jpg?_nc_cat=101&_nc_oc=AQmmQL82NkQHKli5sPnrb3THK5e-VXLi-MzEtvnaInzJ_oXFv_kiLQOD-509ogwRLO8&_nc_ht=scontent.fprx1-1.fna&oh=6b37fda6459179999f649e886e907f4b&oe=5DEC185E)