24.08.2021
![](https://uraebashkuar.com/wp-content/uploads/2021/08/image-5.png)
TELEGRAM NGUSHËLLIMI
![Ist möglicherweise ein Bild von Fran Tanushi und Anzug](https://scontent-ber1-1.xx.fbcdn.net/v/t1.6435-9/s720x720/224028123_4571825089518194_8715204857514420334_n.jpg?_nc_cat=107&ccb=1-5&_nc_sid=730e14&_nc_eui2=AeHTvhZfYO99ikvRS5N6oDLeTgl-FVCto99OCX4VUK2j353-fpzv4z9lzWk2USs7vuIXoqHGdjm_c5tTr1ZyI4rv&_nc_ohc=99Gx4UjfHb4AX-W9bOx&_nc_ht=scontent-ber1-1.xx&oh=08eec6a136c753d0d1640b9303dce9c1&oe=614BB83C)
Lidhja e Arsimtarëve dhe Prindërve Shqiptarë në Bavari – LAPSH, me dhembje e mori lajmin hidhur për vdekjen e aktivistit, veprimtarit, poetit dhe arsimdashësit të palodhshëm dhe anëtarë i LAPSH-it Fran Tanushin, i cili dha kontributin e vet edhe në themelimin e shkollës shqipe në Bavari, ku dhe ishte nënkryetar i saj për dy viteve.
Fran Tanushi, cilësohej si një gjenerator i shumë nismave dhe projekteve në botën e mërgatës shqiptare, aty ku frymohej shqip ishte i pranishëm me urtësinë e tij. Fran Tanushi, dha kontribut në botën e artit, sepse kishte pasion e ishte mjeshtër i vargut, por ishte i pranishëm në çdo fushë, ku ishte interesi i mërgatës shqiptare. Konkretisht një kontribut të madh e dha ai edhe për shkollën shqipe, i cili ishte njëri ndër iniciatorët e themelimit të LAPSH-it në Bavari.
Prandaj, Kryesia e LAPSH-it në emër të të gjithë mësimdhënësve, këshillave të prindërve, nxënësve të shkollës shqipe në Bavari i shprehim ngushëllime, bashkëshortes, fëmijëve, familjarëve dhe mbarë fisit e shokëve, të cilët patën mundësi të vepronin dhe ta njihnin Fran Tanushi!
Prehu i qetë, poet i dashur, në dheun e Arbërisë!
I lehtë të qoftë dheu i tokës mëmë!
Në emër të kryesisë dhe kryetarit të LAPSH-it
në Bavari; Mustafë Krasniqi
![](https://uraebashkuar.com/wp-content/uploads/2021/08/image-1.png)