![Ist möglicherweise ein Bild von steht](https://scontent-frt3-1.xx.fbcdn.net/v/t1.6435-9/199351460_1892545510916228_6313902373922479907_n.jpg?_nc_cat=102&ccb=1-3&_nc_sid=730e14&_nc_eui2=AeGCcBIC00WzY8mPy-w-ATzdOLEcKsq4rOs4sRwqyris64-sxZYR9jwgNsLcvD0YOKxmWyn9lc4H2Q5Vgc-NyYEa&_nc_ohc=0PaaM01Y2xAAX9A7KOx&_nc_ht=scontent-frt3-1.xx&oh=ca589bb31fe514f0deef2a3316b431e9&oe=60CBF4E0)
Dje, më 13.06.2021, në Watwil të kantonit të St.Gallen-Zvicër, në prani të bashkëkombësve, prindërve, aktivistëve, nxënësve dhe mësuesve, i pranishëm ishte dhe ambasadori i Republikës së Shqipërisë në Bernë, z.Ilir Gjoni dhe z. Xhenis Haxhimehmeti, diplomat në Ambasadën e Republikës së Kosovës, u bë promovimi i librit të autorit Dr.Vaxhid Sejdiu me titull „Shkolla shqipe në kantonin e St.Gallen, vatër e bashkimit kombëtar“.
Libri u prit mirë nga të pranishmit dhe gjatë referimit u tha se ky botim ka vlerë didaktike dhe do të shërbejë si një kronologji historike orientues për të gjithë mësimdhënësit kontribuues, të cilët i shërbyen dhe po i shërbejnë procesit mësimor të mësimit plotësues në gjuhën shqipe, që fëmijët të mos e harrojnë gjuhën amtare-shqipen.
Brendësia e librit nxjerr në pah dashurinë, pasionin, vizioni dhe misionin e shenjtë të autorit të librit i cili këmbëngulës, për tre dekada rresht, ishte dhe mbeti i përkushtuar për mësimin e nxënësve në Diasporës, që të jenë të lidhur ngushtë me atdheun, duke ruajtur dhe mësuar gjuhën amtare-shqipen!
Promovimet, botimet e veprave të tilla janë vlerat të larta, të cilat përmes këtyre tregojnë përkushtimin e madh të mësimdhënësve, si dhe përpjekjet e tyre, aty ku ka fëmijët shqiptarë, të jetë shkolla shqipe, ruajtja e gjuhës te fëmijët e kombit tonë, të ardhur nga vise e gjitha trojeve shqiptare.
Redaksia