Takimi i Kryesisë së LAPSH-it në Bavari rreth organizimit të shkollës shqipe për vitin 2021/22

Shkruan: Mustafë Krasniqi– Dje, më 30.05.2021, kryesia e LAPSH-it mbajti takimin e radhës, që u fokusuan në disa  tema të rëndësishme, si: raporti përmbyllës për vitin 2020, rreth dëftesave të nxënësve, anëtarësimin, shkresa për t’ju drejtuar QBD-së, për sensibilizimin e shkollës shqipe në Bavari dhe përgatitja për vitin shkollor 2021/22.

Në këtë mbledhje u shqyrtuan të gjitha pikat sipas renditjes, të cilat ishin përcaktuar për shqyrtim. Po ashtu u morën edhe disa vendime, ndër to ishte miratimi i raportit vjetor, vërtetimi për nxënës, si dhe  përgatitja për mësimin plotësues në gjuhën shqipe, për vitin 2021/22.

Pika, që u diskutua dhe u trajtua më tepër ishte regjistrimi i nxënësve, nga shtatori i këtij viti, ku dhe u theksua se pritet të regjistrohen një numër i madh i nxënësve dhe të hapen klasë të reja.

Kjo rritje e numrit të nxënësve do të vijë si pasojë e angazhimit të punës së kryesisë të LAPSh-it në bashkëpunim me Këshillat e Prindërve, dhe të prindërve që kanë treguar interes, për t’i dërguar fëmijët e tyre në shkollën shqipe. Që tani kanë filluar të vijnë formularët e parë të plotësuar në adresën e LAPSH-it, gjë që deri më tani  kanë ardhur mbi  60 sish për regjistrimin e nxënësve.

Falë angazhimit të LAPSH-it, që me përpjekjet 5-vjeçare,  arriti ta fusë gjuhën shqipe në listën e gjuhëve të huaja, të miratuar nga Ministria e Kulturës e Bavarisë, po njëkohësisht edhe punës vullnetare dhe të palodhshme të kryesisë dhe të mësimdhënësve, të cilët janë vu në interes të shkollës shqipe.

Leave a Reply

Your email address will not be published.